###
mit Feodora-Johanna Mandel an der Harfe, Sänger Bernd Urlaub u.v.a.
Vor nid allzuälanger Zeit sen die Gottesdienste auf Latein ågholte wore und die Geistliche höm si gfröächt: Muäß dos denn sou sei? Und höm ågfange in Deutsch zu predige. Der Verein Mundart in der Kirche e.V. id n Schritt weiter und hat zugor die Bibl auf fränggisch rausgebracht. Im Nürnberger Raum geids scho seid üwer 30 Johr fränggische Gottesdienste und in Thüngersche wor am 5. April der 1. Mundart-Gottesdienst in der Würzburger Gegend zum Thema “Mach dein Friede”. Bernd Urlaub hat uns sei Friedenslieäder und die Harfenistin Feodora-Johanna Mandel ganz bsondere Solostücke dårgebote. Mir höm a mitänanner – begleit durch die Harfe oder die Orgl!- fränggisch gsunge und zugor die Lesung und s Evangelium im Günterschläwener Dialekt ghört. Die Harzes-Ågelachehäd höm alle guät verstanne! Wörüm mer “unnern Friede” brauche und wieä mer ne finne, dos id åkumme bei allerer Gottesdienstbesucher.
Mahatma Gandhi hat ämoäl gsocht: „Es geid ken Waach zum Friede, weil der Friede id der Waach“.
Mache mer uns auf! Vielleicht a zuän nächste Mundart-Gottesdienst?
Dos hät I fei nid gedacht – mid dan höächste fränggische Lob sen die Organisatore vo de ugfahr 200 Gottesdienstbesucher bedacht wore! Dankschön!
(Text und Bild: Helga Dudek)
